Skip to content
恐怖穿環分享

恐怖穿環分享

最深刻並令我「經驗值大幅提升」嘅一次穿環。Flat,當年我個Flat 係用槍釘嘅🤢
分享之餘要話埋比大家聽點解真係唔好揀用槍穿(Piercing Gun)穿環。

10年前對「Piercing穿環」概念以為係旺中隨便釘完就算。個Flat釘完頭個幾日都正正常常,仲覺得幾靚。

開心左幾日後惡夢就黎。因為槍穿係用Butterfly Back(就係大家一般見到耳環蝴蝶托),唔夠位比個環發腫(正常針穿係會用長少少嘅barbell比個環有位去腫之後再Downside換短針)
慢慢個環腫到旁邊嘅肉好似「食」左個耳環咁。手指摸落去,耳環同肉係近乎平面。皮膚感覺係熱熱地。

當時跟左旺中姨姨指示日日轉下個環同滴酒精消毒(其實兩樣都係唔應該做嘅🙅🏻‍♀️),希望佢會好番。

最後同個環駁鬥左兩個星期終於忍唔住太痛拆左佢。拆個陣仲要搵屋企人幫手,因為實在腫得太厲害。自己完全拆唔到,一拆個下眼淚都標埋出黎,可憐自己。

所以大家真係唔好亂去鋪頭度釘,同千萬唔好用槍穿。

🔪槍穿會損害到組織
🔪槍釘多數係用Butterfly Back耳環。需尼種耳環本身嘅設計係唔允許腫脹空間,同埋Butterfly Back係比較難清潔,好易有細菌
🔪一定一定要搵個有經驗嘅穿環師。首先有經驗嘅穿環師係唔會用槍穿,一定係用針穿。好似我個case咁。冇錯,穿環支槍的確係放到落個Flat位度, 但放到唔代表釘到。
🔪仲有唔好用酒精消毒個環/傷口。酒精對傷口太刺激,以前覺得「拿」就係消毒,但其實「拿」係刺激到傷口
🔪新釘完唔好轉個環,因為轉嘅時候有機會破壞傷口入面已經好番嘅部分

多謝大家睇到尼度,如果仲想睇咩穿環分享。可以係下面留言,我地都會做更多嘅分享比大家~
Next article 什麼是 CUBIC ZIRCONIA (CZ)?

Leave a comment

Comments must be approved before appearing

* Required fields

Liquid error: Could not find asset snippets/smartb-js.liquid